Summer Special

Boas Maldeolhers, hoje na primeira secçom de Odilo da tempada, falaremos de como foi o veram, en termos cinematográficos, para este humilde servidor. Sei que notáchedes a minha ausência no programa prévio, assi que imos aló!

Pois ben, hei de comentar que este veram baixei o meu ritmo cinéfago e adiquei este tempo ao nobre arte da literatura (sem desprezar ao ensaio). Em concreto adiquei-me à modalidade de leitura em praia quase deserta, um privilégio só permitido a locais.

Em quanto aos filmes, sem contar curtas e obras pouco destacáveis, aqui vai umha listagem do visto:
- Gretel & Hansel. Filme da nossa querida Canadá, escuro e original. Recomendaçom.
- Split. Nom sei porquê e sigo a ver filmes de Shyamalan. Dende o meu ponto de vista é um Meh, mas unicamente pola interpretaçom James McAvoy, sem isso prevençom (sei que nom som o público objectivo deste tipo de filmes onde há superherois)
- A nova de Space Jam. Isto nom o aguardavades eh!! Pois sim, até paguei por vê-la, compromissos pessoais... Pouco que dizer, autêntica bazófia. Prevençom total.
- A ilha das mentiras. Vista no cinema ao ar livre em Rianxo e em galego. Conta a história das heroínas de Sálvora, mas engadindo umha trama escura de ficçom. Gostei Muito de ver este filme que fala de nós, já que se as galegas nom contamos histórias sobre o nosso povo, outras as contaram, ou pior, as omitiram. Aguardo a que saiam muitos projectos mais coma este, pode ser melhoravel, mas dende logo é necessário. Recomendaçom.
- Das Cabinet des Dr. Caligari (O gabinete do doutor Caligari). Clássico do terror que me faltava por ver. O entorno expresionista deste filme é único, ademais é mui entretido ainda a dia de hoje. Parece-me normal que seja um filme de culto. Recomendaçom.
- Golden Rush (A quimera de ouro). Outro filme clássico, neste caso umha comedia de Charlot de grande factura técnica, mas que abusa muito do humor absurdo de bater com algo e caer. Sem ser o tipo humor do que gosto, é um filme disfrutable polos engenhos desenhados na altura, indispensáveis para fazer os "gags".
- A nova de Candyman. Sem ser tam crítico como Pineda coincido com ele em que é um desses filmes que abusa da explicaçom. Isto pode ser devido a que muito do público actual nom viu o primeiro filme e se pretende ponher a essas pessoas em contexto, mas tampouco quero fazer de advogado do dianho... A pesar disto pareceu-me entretida e interessante para quem vira a primeira, gostara de-la e quere ver umha continuaçom melhor que as nefastas Candyman 2 e 3. Também boto em falta mais abelhas de verdade e sobra-me um pouco o actor protagonista. De feito, estes actores tam cachas penso que só nom desentonam em filmes de superherois, no resto simplesmente nom pegam. Meh.
- Druk (Outra ronda). Filme de Thomas Vinterberg e Mads Mikkelsen. Narra um drama com tintes cómicos sobre um professor estancado numha vida rutinaria. Gostei muito, ainda que penso que fai algo de apologia do alcoolismo. Super recomendaçom.
- Retfærdighedens ryttere (Jinetes da Justiça). Outro filme danés com Mikkelsen de protagonista, neste caso é umha comédia áceda cum humor bastante particular. Básicamente é um pai de família que busca vinganza pola morte da súa mulher e para isso conta cum grupo de frikis. Recomendaçom.
- The Hauting of Hill House. Serie, polo tanto obra menor e para mais inri de Netflix... É umha obra mui conhecida polo que nom direi mais nada. Ía eu com pouca expectativa e poucas ganas para ver isto, mas a verdade que me sorprendeu e gostei muito. Gostei como conta as histórias pessoais de cada personagem e da maneira em que está rodada (tem algum plano secuência espetacular)

Pois bem, isto foi o mais salientável Do meu veram. Como já escrevim muito nom comento nada sobre o especial de Sitges, falarei sobre isso na vindeira secçom. Agora vou a cubrir umha instáncia para solicitar a nova tempada de "Galicia Bonita". Deixo-vos cumha nova entrada do dicionario MdO.

Umha aperta!!

Dicionario MdO 3
Canadá: S. M. Nome da segunda pátria dos Maldeolhers (no caso de Pineda a Primeira). Lugar onde nasce a ilusom, a fantasia e o terror.