The Good Son

Aos poucos, achegamos as nossas gravações à data de publicaçom. Agora só nos queda um trimestre! Um trimestre no que tampouco gravamos tanto, para falarmos com honestidade. Nesta ocasiom, Miguel propóm revisar “The good son” (1993), o que se acaba revelando como umha péssima ideia.
Resulta que este filme no que Macaulay Culkin é o vilão (e Frodo Baggins ―aka Bolsón, aka Bolseiro― o protagonista) acorda nulo entusiasmo na comunidade maldeolher. Envelheceu mal? Envelhecemos mal nós? Já era mau daquela e simplesmente nom tínhamos madurez avondo para percebé-lo? Talvez as respostas se achem nestas duas horas de programa.
Hai que dizer que chegamos às duas horas mália que liquidamos rápido o filme; porque Miguel estava preso no seu lar qual James Caan em Misery. Polo que aproveitamos para vaziar-lhe a neveira de cerevejas e enlear todo o enleável.
Assim, perguntamo-nos se “Home Alone” ― aka “Solo en casa”, aka “Sozinho em casa”, aka “Mi pequeño angelito”) pertence à mesma “cosmogonia” que “The good son”. Debatimos sobre o por que os refrits modernos acostumam a ser umha má ideia, sobre os nossos gostos ou sobre se Vampirineda introduz “subtexto feminista” para forçar Sarmila a ver algumha das suas movidas.
O programa seguinte é umha incógnita. Incluso agora, que hai tempo que foi gravado.


RECOMENDAÇOM
La vie nouvelle (2002)
From (série, 2002)*
Excitação (1976)

MEH
The Exorcist: Believer (2023)