Zapatuan Zierbena eta domekan Urdaibai izan dira banderen irabazleak

Zierbenak Bilboko bandera irabazi eta Urdaibairen bolada ona eten dau. Erlojupeko estropadan, Galipoak 'txo' -ak baino 86 ehunen hobeak izan dira. Hori bai, domekan Urdaibaik ez dau amore emon eta denporaldiko bosgarren bandera lortu dau. Hori dala eta Urdax Antepara, Zierbenako arraunlaria, euki dogu gugaz berbetan astegoieneko estropadei buruz.
Ezustekoa zapatuan
Zapatuan ospatu da denporaldi guztiko erlojupeko estropada bakarra. Banan-banan, sailkapenaren arabera, traineru guztiak atera dira, lehena Bueu-ko galiziarrak eta azkena Urdaibaiko Bou Bizkaia. Lehen txandan, Kaiku beste traineruak baino gehiago izan da, 20 minutu eta 7 segundoko denpora eginez. Atzetik etorri jakoz Cabo, San Pedro eta Bueu.

Bigarren txandan, ezustekoa izan da Donostiarrak bakarrik gainditu dauelako Kaikuren denpora. Getaria, Ondarroa eta Lekittarra, hiru segundoan, bizkaitarren atzetik geratu dira.

Ohorezko txandan, Orio izan da irteten lehena. Hondarribiagaz batera, oso urrun geratu dira goiko bietatik, 15 eta 20 segundo galdu baitituzte, hurrenez hurren. Zierbena eta Bermeo artean izan da burruka. Bizkaiko bi taldeak banderagaitik burrukatu dira eta oraingoan txanponak Galipoentzat egin dau.
Ohiko domekea
Domekan, Zierbenak distantzia gehiago murriztu gura izan eban Bermeorekiko, eta horretarako beste bandera bat lortu behar eben. Lehen txandan, Cabo Lekittarra, San Pedro eta Bueu baino askoz gehiago izan da. Coruñako taldeak 20: 22ko denpora egin dau, eta bigarren txandako traineru batzuk baino hobea izan da. Donostiak Caboren denpora hausi dauen lehen zortzi traineruen artean bakarra izan da, 20 minutu eta 16 segundoko denporagaz. Bestalde, Ondarroa, Getaria eta Kaiku atzean geratu dira.

Azken txanda, erabagigarria gainerako lau traineruentzat. Dana oso liskartsu hasi da lauren artean, baina Orio berehala jausi da, inolako azalpenik emon barik. Hondarribiak, Bermeok eta Zierbenak azken unera arte burrukatu dabe. Lehena azken luzera arte lehenengo postuan kokatu da. Beste biek erritmoa jarraitu eutsie, eta amaitu aurretik atzean itxi dabe. Zierbena eta Bermeo artean geratu da dana. Bou Bizkaia 3. kaletik eta galipoak 2.etik. Bermeo berehala laugarren kalera jausi da korrontea txikerragoa izan eiten. Zierbena, barriz, bere kalean mantenidu da. Helmugara heltzeko metro gitxi falta ziranean, Urdaibaik eta Zierbenak buruan jarraitu dabe, eta azken 30 metroetan Bou Bizkaiak erasoa jo dau bosgarren bandera lortzeko.