Vacaciones pola borda ye una obra representada pol grupu teatru La Pirámide nel Teatru del L’Entregu’l miércoles 27 d’ Abril del 2011 con motivu del homenaxe a los MAYORES, escrita por Xose Ramón Martín Ardines y dirixía por Javier Villanueva, foi grabada nos estudios de Radio San Martín el 11 de mayu de 2011.
El 12 de mayu de 2011 foi representada nel C.P.R. Valentín Palacios de La Pola Sieru.
El grupu teatru La Pirámide formose por muyeres mayores de 60 años que se conocieron participando nos Talleres de "Tiempu Propiu" empobinaos pol Istitutu Asturianu de la Muyer del Principáu d’Asturies, en collaboración cola Conceyalía de la Muyer del Ayuntamientu de Samartín del Rei Aurelio.
El grupu teatru amateur Muyeres con Tiempu Propiu "La Pirámide" entamolu Rufina Martín, quien xunto cola collaboración d’ un grupu de muyeres escribió la obra "El Deseo Concedido" ,cola intención de facer daqué diferente durante los intercambios de muyeres col conceyu de Cangues d’ Onís, celebraos n’ abril de 2008 nel restaurante “El Urogallo” de L’Entregu,onde representaron por primer vez en públicu la obra "El Deseo Concedido".
Vacaciones pola borda:Mes d’ochobre, tres amigues que contrataran un viaxe del IMSERSO a Benidorm vense embarcaes nel Norman Bridge, un buque de la nueva autopista del mar que xune Xixón con Nantes na Bretaña Francesa. A la mitá del viaxe ‘l gritu de “Home al agua” fai que’l barcu se pare en metá la mar y entama la obra.
Comments