Special guest star: Ana Gronzo
Desde o Junho passado que nom temos convidados no programa. Mal, muito mal. Devíamos pôr remédio. Assim que chamamos a Ana Gronzo, a nossa particular esperta em musicais, para ter umha animada conversa com ela sobre Little Shop of Horrors (1986), remake do musical de 1982 e este, pola sua vez, adaptaçom dum clássico de Roger Corman (1960) que bateu o recorde de austeridade em relaçom ao orçamento e dias de rodagem.
Como Rocky Horror Picture Show, Phantom of the Paradise, Sweeney Todd, Stage Fright, Córki Dancingu ou Anna and the Apocalypse, estamos face umha comédia musical com elementos de terror; o que fai Pineda torcer o rosto em sinal de ceticismo. Porém, hai consenso nas louvas às canções e às interpretações; a incluir Rick Moranis, para desgosto de Michael Paré.
As discrepâncias, no final, tampouco som tantas. Centram-se um pouco na atitude de Seymour e em qual dos dous finais rodados é melhor. Aliás, permite um lindo momento de nostalgia onde também desfilam outros títulos como Bucket of Blood, Streets of Fire, Ghostbusters ou Honey, I Shrunk the Kids.
O puto Pineda inventou um filme no episódio anterior, perdendo qualquer credibilidade. Miguel hoje só traz MEHs. Ana recomenda fortemente o musical de Legally Blonde, embora todos estamos mais pendentes de Doppleganger: La Película, onde ela está envolvida. Finalmente, Churi leva-nos a próxima semana para o universo dos super heróis. Mas em Brightburn, nom parece que o rapaz kryptoniano tenha qualquer intençom de defender a humanidade. Enquanto isso, comentem em twitter, Facebook, Instagram, Maldeolho.agora.gal ou Ivoox. Alimentem-nos!
RECOMENDAÇOM
Hedwig and the angry inch (2001)
To Kill a Mockingbird (1962)
And Soon the Darkness (1970)
Dear Evan Hansen (2021)
Witness for the Prosecution (1957)
The Devils (1971)
MEH
Quien a hierro mata (2019)
The Loft (2015)
Premium
Plus
Comentarios
Boaaaas!! Como gocei deste episodio! É que se de algo gosto máis que do cinema, é da música. Non coñecía a de Corman, que está xenial, pero a do 86 víraa mil veces e nin idea tiña do final onde a pranta domina o mundo. Brutal! Aproveito para recomendar outro musical que este ano cumpre 30, The Commitments. É unha peli de Alan Parker que o petara nos Bafta do seu ano, con toda a razón. Está baseada nunha novela homónima. É desas, como comentabades, que non se poñen a cantar sen máis, é que son unha banda de música. Trata duns irlandeses de clase traballadora adoradores do Soul que forman un grupo. Cando os colegas lle preguntan ao prota por que quere montar unha banda de música negra el contesta: "Os irlandeses son os negros de Europa; os dublineses son os negros de Irlanda; os de Dublín Norte son os negros de Dublín." Vou buscar a de Hedwig que xa Ana ma recomendara hai tempo e é asignatura pendente. Apertas aos tres!
Boas Maldeolhers, hoje na secçom de Odilo, comentarei-vos cousas sorprendentes como que piquei na brincadeira do Giallo de Pineda, estiveno buscando e a piques de pedirvo-lo, mas como tenho pouco tempo, por culpa de Galicia Bonita, preferim passar. Centrándonos no filme da planta, no meu caso visualicei a montagem do diretor, assi como a obra original de Corman. A primeira, pareceu-me entretida, envelheceu genial e os temas musicais som case todos brutais. Sem embargo, eu nom som muito de músicais, as peças sacan-me da trama e relentizam a acçom, polo que aburren-me um pouco. Por este motivo, pensei que ia a gostar algo mais da original, craso erro, nom gostei nada do humor de simple, co protagonista dándose golpes e tendo diálogos planos. Entendo que é um filme de pouco presuposto e tem outras virtudes, mas nom conseguiu captar a minha atençom. El viyi neno!! Polo tanto, dou-lhe um bem ao remake e um meh ao original. Do remake, se tenho que ficar com algo, seria a escena de Bill Murray encarnando a um sadomasoquista, pareceu-me brutal. Buuu neno el viyi!! O final que vim eu foi ondo ataque das plantas gigantes, suponho que pode ter algunha inspiraçom na novela de "O día dos trífidos" (1951), novela de John Wyndham que eu adoro, mas que realmente nom tem muita relaçom. De feito, esta novela tem muito mais a ver com "Ensaio sobre a cegueira" de Saramago que com qualquer cousa destes filmes. El viyi e Pineda de extras em "Quien a hierro mata"!! Continuando com cousas que me gustam, grande recomendaçom de Ana, "Hedwig y The Angry Inch" um filmom do que gostará qualquer pessoa com critério, ainda que nom goste especialmente dos musicais como é o meu caso. "The lure" mui divertida também é mui apta para fazer um MdL. El viyi e um narco galego mui perigoso transportando fardos!! Até aqui a minha secçom de hoje! Lembrai escoitar Mal de Olho, cada programa um pouco mais perto de arrancarnos os olhos trás ver "A serbian film" ou de que se vos apareza El viyi